الايام اللى فاتت بالنسبة لى كانت مميزة بأحداثها بداية من يوم السبت
اللى كان فيه خطوبة ( إيمان ) اللى اتكلم عنها فى بوست قبل كدا
يوم الخطوبة كان مميز جداً
الخطوبة كان المفروض تبقى الساعة 9
واتفقت انا وياسمين - صحبتنا اللى موبيلها دايماً مغلق - هننزل فى حدود الساعة 8:30
واتفقت انا وياسمين - صحبتنا اللى موبيلها دايماً مغلق - هننزل فى حدود الساعة 8:30
ولبست وروحتلها ونزلنا من عندها
وطبعاً على ما تاكسى حن علينا وتكرم ورضى يودينا ( طلخا) عادى يعنى تاكسيات 2007
وطبعاً على ما تاكسى حن علينا وتكرم ورضى يودينا ( طلخا) عادى يعنى تاكسيات 2007
كنا شوية وهنفكر نرجع بيوتنا!!!
تانى المهم وصلنا هناك فى حدود 9:30
تقريباً ووصلت إيمان
فى حوالى الساعة 10:15طبعاً
الحفلة كانت جميلة اوى
وبالطبع كان للعريس ورفاقه الدور الاساسى :)
ربنا يتمم لك بخير يا إيمى يارب
:)
وعقبال الفرح إن شاء الله
من أهم الحاجات اللى حصلت كمان
إن كمبيوتررى رجع من رحلة علاجه اللى استمرت أكتر من شهر
بفضل الله ثم مساعدة أخ فاضل فى معرفة مكان أصلح فى الجهاز
مش قدرة اقولكم الجهاز كان تعبان قد إيه ووديت لشخصية كدا ربنا يسمحه بقى كان هيفرمطه !!
لكن الحمد لله بدأت أسأل اللى ليهم خبرة بالمجال ده
والحمد لله لاقيت المكان اللى اصلح فيه جهازى
وانا مطمئنة واتصلح ورجع البيت اول امس الاحد
فرحتى بالجهاز لاتوصف أظنه عرف معزته عندى قد إيه
فعلا جهازى ده كان صديقى الصدوق فى اوقات كتير اوى خلال السنة دى
:)
:)
ولا تخلوا الاحداث من تعب بعض الشئ
أمس قررت والدتى الذهاب الى طبيبه الاسنان وطبعاً أنا سنانى وجعانى جداً
والموضوع صعب بس بحاول التماسك ..
وذلك لعدم وجود ألفه بينى وبين اى طبيب ايان كان التخصص !!
ولكن والدتى اصرت فكان لها ذلك ..
ذهبت معها الى تلك الطبيبة التى هى كانسانة قريبة الى نفسى!!
وبدأت عمليت التفحير التى استمرت ساعة ونصف
مع العلم بأخذنى حقنين بنج حتى لا أشعر بالألم - والله يكفى التخيل -
لن أستطيع وصف شعورى سوى بشعورى بشلل نصفى فى وجهى
لا أستطيع الكلام أو الضحك او حتى الابتسامة !!
استمر فترة ومن ثم غادرنى لأشعر بألم فى مكان تفحير الدكتوره
!!!وحتى الان
المفروض الذهاب اليوم مرة آخرى ولكن ساحاول الثبات وعدم الرضوخ لأى ألم
حتى وإن كان لبضع ساعات
هذا الاسبوع إسبوع حافل بالمفاجأت والاشاعات ايضاً!
فالاسبوع هو الاسبوع المنتظر للإعلان عن النتيجة
حتى يوم الاربعاءالماضى
كان القول بأن لمواد الفرقة الثانية ثلاث مواد من اصل سبعة فقط فى الكنترول
وهذا يتطلب منّا الصبر بعض الشئ
اليوم
لم استطع إغماض عينى للحظة لشعورى بان النتيجة سأراها اليوم !!
ولكن لا جدوى فقد ظهرت نتيجة الفرقة الرابعة والفرقة الأولى
وفقط
وظهرت نتيجة الفرقة الثالثه كنترول !!
على اى حال الاسبوع
لم ينتهى بعد نأمل ان نرريح عقولنا وقولبنا بعض الشئ من هذا الكابوس المزعج
وربنا يستر على سنة تانية وسنة خامسة :)
21 comments:
مبرووووووووك لصاحبتك :d
عقبالك يا عم :):)
و حمد الله على سلامة الكمبيوتر ^_^
احنا بقى فرمتناه :d
و اهو حيّ يرزق اهو الحمد لله بمسنجر جديد و كل حاج فيه جديدة لانج ^_^
على التفيجرات
:d
ادي اخرة الفسفوووور
:lol:
ربنا يعزك
مرة زمااان خالص رحت لعمو دكتور السنان و اداني بينج بردو
كان بيضحكني اوى البينج ده :d
مش عارفة احرك شفتي خالص ولا اضحك
و انا اصلأً بضحك على اي حاجة في اي حاجة - مع نفسي كده :d -
بس كان يوم جميل والله:):)
زمااان بقى :)
حمدا لله على سلامة الكمبيوتر والفيستا وعقبالنا يارب
والف مبرووك لايمان ... موضوع التاكسيات ده عايز بوست لوحده على فكرة D:
الف سلامة عليكي يابنتى ..اابقي اغسلي سنانك كل يوم بس وهى تبقي كويسة
ربنا معاكى والله ... :)
انتى اقوى من انك تتهزى عشان ألم أسنان ... ولا ايه يانهى ؟(سمايلي قليط)
D:
الف مبروك لصاحبتك
وعقابلك
وربنا يهدي سواقيت التاكسيات
والف سلامه علي سنانك شفاكي الله وعافاكي
وان شاء الله تطلع النتيجة كويسة وتطمنينا عليها
ربنا يبارك
وعقبال كل بنات المسلمين
فعلاً موضوع دكتور الأسنان ده موضوع صعب جداً
الله يصبرك ويتم عليك نعمة الصحة
ايه الأسبوع المشحون ده :D
اولا ألف مبروك لصاحبتك و عقبالي طبعا :P
ثانيا ألف سلامه على الجهاز بتاع حضرتك
ثالثا شفاكي الله و عافاكي
رابعا ربنا يستر على النتيجه يا رب :s
أولا ألف مبروك خطوبة أختنا
وعقبال الفرح ان شاء الله
وعقبالك وجميع أخواتنا العازبات يا رب
ثانيا ألف مبروك والحمد لله على سلامة جهازك
ودايما خليكي متفائلة مع الأشياء اللي بتكون حالتها حرجة
العلاج مش مستحيل
:)
بالنسبة لأسنانك
عادي يعني
كأنه أصبح الطبيعي انها الأسنان تكون خربانة
أنا المفروض أراجع طبيب الأسنان من شهرين
لكن كسلان
وآخر شيء النتيجة
ان شاء الله تكون خير
بس انتي خلي أعصابك حديد
أولا خطوبة إيمان كانت تحفة وكلنا كنا فراحنين أوى مهى اول واحدة فى صاحبتنا تتخطب وعقبالك
يانهنوها وياسمين وبعدان أنا
وعقباااااااااال كل البنات إن شاء الله...
أما بالنسبة لموضوع التاكسيات فبجد مشكلة كبيرةوخصوصاااااااااااا اللى بيروح طلخا....
الله يكون فى عون اللى سكنين هناك وربنا يهدى بتوع التاكسى أمييييييين ياااااااااارب...
بالنسبة لطبيب الأسنان فده أكتر واحد أنا بخاف جدااااااااااااااا منه
فالله يعنيك يانهاااااااااااا
ويقويك انك تروحى عنده لحد ماتخفى
إن شاء الله.....
وفى النهايه موضوع النتيجة أرجو من الكل الدعاااااااااااااااااااااء لنا ولكل طلاب صيدلة بان
النتيجة تكون كويسه ونجيب تقديررررررررر حلو
بس يا نهى تواعدينا قدام الناس كلها أنك لو جبتى تقدير حلو تعزمينا عزومة جاااااااااااااامدة
علشان ندعيلك بقووووووووووة
ياااااااااااااااااااااارب
كلنا نجيب امتياز
او حتى جيد جداااااااااااااااا
أمييييييييييييين
ياااااااااااااااااارب
تحيات يارا مجدى
لجنة العلاقات العامة
صناع صيدلة
المجاهــدة :
الله يبارك فيك يارب
وعقبالك :)
الله يسلمك .. كمبيوتررى بيسلم عليك
:D
والف مبروك على كمبيوتررك
وتمليه حاجات كدا وانت بصحة وعافية
فسفور ..!!
اها هعتبرها غيرة :D
عقبال لما اجى اكل عندكم الفسفور ده خلال هذا العام
الغريب بقى ان البيج كان بيضحكك
امال ليه كان منرفزنى
ربنا يكرمك يارب :)
مــومــو :
الله يسلمك
بطلى قر يا حبيبتى :D
يللا عقبالكم
الله يبارك فيك
وعقبال ما افرح بيك يارب
موضوع التكسيات بجهز لى قريب ان شاء الله
:)
وانت تؤمرى
وبعدين طبعاً انا لا أهتز بمثل تلك الامور ولا عندك شك
اسمايل قليط
:D
مـحـــمد :
الله يبارك فيك وعقبالك يارب
اللهم ىمين ربنا يهديهم فعلا
دى بقت أزمة وطنية خالص
:)
الله يسلمك
وربنا يبعد الالم ده عن المسلمين يارب
دعواتك بقى على النتيجة
وربنا يستر
:)
ربنا يكرمك .. وسعيدة بمتبعتك
BinO :
ربنا يكرمك يارب
وسعيدة بمرور حضرتك
وربنا يتم علينا جميعاً الصحة
:)
Dr Halwagy :
هو جايز اسبوع مشحون
بس الحمد لله ان فى موجب وسالب
:)
الله يبارك فيك
وعقبالك طبعاً :D
الله يسلمك ..
ربنا يخليك ويبعد عنك وعن كل المسلمين اى مرض
:)
ايون
ربنا يستر على النتيجة يااارب
هانت
:)
بهــــاء :
الله يبارك فيك وعقبالك يارب
الله يسلمك
والله دايما متفائلة وعارفة
انى الامل فى ربنا كبير
:D
يللا الحمد لله على كل حال
بس الحق نفسك اللى عامل فيا كدا انى سبت نفسى
أعصابى حديد لثقتى فى الله
وربنا يستر بكرة بقى
:)
يـــارا :
الله يبارك فيك
وعقبالك يارب
انت الاول
:D
التاكسيات دى قضية تانيه ربنا يعينا عليهم يارب
وربنا يعينى على دكتور الاسنان
والف سلامة عليا
:)
وبخصوص النتيجة تظهر بس
وان شاء الله خير
ربنا يعزك يارب
:)
ازيك يا نونا.....علي فكره البوست ده طريف جدا..الف مبروك لايمان وعقبالك ان شاء الله ومتنسيش تدعينا ...وبالنسبه لدكتور السنان فاحنا في الهوا سواانا مره رحتله وانا في اولي ابتدائي وقعدت اعيط واعيط واعيط كنت خايفه جدا .بس في آخر المشوار طلعت بمفكره الدكتور اعطاها لي كوسيله لتهدئتي والحمد لله عدي المشوار علي خير ما عدا ورم بسيط في وجهي والورم طبعا اقل حاجه الواحد يطلع بيها من عند دكتور السنان......اما بالنسبه للتاكسي فمن حسن حظ سواق التاكسي ان انتي و ياسمين اللي ركبتوا معاه لان انا مره كنت رايحه درس وركبت تاكسي ودوخته السبع دوخات والسبب بسيط خالص وهوا ان انا ما كنتش عارفه الفرق بين شارع النخله والجلاء وكنت حاسه ان سواق التاكسي كان عايز ينزلني علشان يستريح بس قسمته بقي ....وبالنسبه للنتيجه فان شاء الله ربنا هيكرمك ويطمنك طالما عملتي اللي عليك وربنا يوفقك يا رب
بارك الله لهما و بارك عليهما وجمع بينها فى خير
دى ااول زيارة لمدونه حضرتك
مبروك
وسلامات
وتبريكات
وان شاء الله نتيجة تطلع حلوة وتقدير كمان
تحياتي
... مزاجات
أسمــاء:
الله يبارك وفيك وعقبالك يارب
وبعد الشر عليك من دكتور الاسنان او اى دكتور
الحقيقة انا لسه بدات فى الذهاب للدكتور الايام دى مبد
اتش زيك كدا من اولى ابتدائى
دا انت مخضرمة يا بنتى :D
وبخصوص التاكسى معندتش تركبى تاكسى لوحدك غير لما تبقى عارفة الطريق
وربنا يكرمنا جميعاً فى النتيجة بقى
:)
جمعاوى روش طحن :
سعيدة بمرور حضرتك
ونورت المدونة
مزجـــات :
نعليق مميز جداً
ابتسم له لما قرأته
:)
جزاك الله خيراً
أول زيارة ليا للمدونة يا نها
وهي جميلة جدا ...ومخرجتش منها من غير ما أحطها في
favorite
شفتي بقى انتي عدت معاكي ازاي
:p
سلاااام
:D
سلامو عليكم
ايوا
انا اسمي مكتوب
:D
بوست جميل جدا
و بداية رائعة دكتورة
بس سؤال
ازاي بتخافي من الدكاترة و انتي هيبقى اسمك دكتورة
و الاطفال ييجو عندك الصيدلية عشان يتبهدلوا و يسرخوا و يعيطوا و انتي تديهم الحقنه بلا رحمة او شفقة
ياااااه حرااااام
المهم بداية رائعة
و دي المرة التسعمية اللي ادخل فيها هنا
:D عادي بقى
سلام
ميدو :
نورت البلوج بزيارتك
وسعدت لذلك
:)
الاخ اللي وداها تصلح الجهاز :D
:
جزاكم الله خيراً اخى الصغير
وربنا ما يرحمنا من مساعدتك ابداً
:D
وبخصوص سؤالك بقى
والله عدم توافقى مع الدكاترة مش لسبب معين بقدر ما هو احياناً خوف
يعنى ببقى خايف من اللى هقوله
ببقى رايحة غير متفائلة
وبخصوص الحقن .. فأنا ولله الحمد
ايدى خفيفة اوى
بس الاطفال يجوا بس وملهمش دعوة
:D
Post a Comment