Friday, September 7, 2007

أول تـــــاج ...




اول تــاج بالنسبة لي بعد مرور اقل من شهرين على افتتاح البلوج
وصلنى من

خربشــة غــريـب

فجزاه الله خيراً
ونبدأ بسم الله

اسم
مدونتك؟؟

حتة سكر


لماذا اخترته ..وماهي نيتك من وراء اختياره؟
امممم
اخترته من اكتر من اسم ، شخصية عزيزة عليا هى اللى كانت اخترتهم ..
وانا عجبنى حتة سكر اوى ..


هل فكرت في إغلاق مدونتك؟ والسبب؟
اه فكرت مرة !!
فى مرة اتخنقت .. وقررت انى هطلع خنقتى على المدونة .. بس ربنا ستر
وشلت الفكرة بسرعة ..


صورتك في المدونة ورمزيتها ؟؟
ورد احمر وفيها ورده روز ..
رمزيتها انى بحب الورد اوى .. وبيمثل لى الكثير


لماذا دخلت عالم التدوين من الاساس؟
الفكرة كانت فى دماغى من فترة من حوالى سنة ..
واهى الحمد لله انتفذت اخيراً
قبل السنة ما تخلص !!.


جمله قيلت لك فى وصف مدونتك؟
لسه بدى على ما بلوجتى يتقال فيها وصف دقيق ..
يعنى لسه جديدة فى المجال ده
كمان سنة ممكن ارد عليك !!
:)

التعليقات بالنسبه لك ,اهميتها؟
على حسب نوع البوست فى بوستات أكيد ببقى مستنية تعليقات
لانه بيبقى موضوع نقاش عاوزة اسمع الاراء
وفى بوستات حياتيه بالنسبة ليا ..يهمني فيها ردود أناس معينين ..


احلى بوست كتبته ...ضع اللينك , ثم اذكر لماذا؟
الأخير .. ولا نقول الا ما يرضى الله
يعنى حسيت بحاجة معينة ..
وبوست احداث ليها أثر لانها كانت فترة مهم فى حياتى
حتى وان كانت الاحداث مش موضحة ده ..


أفضل مدونة قرأتها؟
أغلب المدونات اللى على اليمين متبعها يومياً


حد قل أدبه فى التعليق إيه رد فعلك؟
حتى الان محصلش ..
وبالتالى هرد عليك لما يحصل ..
بس ابقى فكرنى :D
وعموماً أظن انى آخر حاجة هفكر فيها انى امسح التعليق

أسوأ بوست أسوأ مدون؟
...


هيحصل ايه لإيميلك لما تموت ؟؟
هيعيش ..


اديت الباسورد لمين؟
لشخصية واحدة بس


كانت إيه طبيعة علاقتك بيه؟
أخوات ... اخوات اوي


اسمك؟
نهى


المشهور بيه وسط اصحابك؟
يعنى على حسب نوع الاصحاب
القربين اوي بيقوليلى يا نهنوهه .. وهو أكتر اسم بحبه
وبقيت الاسماء كتير نونا .. نونه .. كوكى – ومحدش يسألنى ايه علاقته باسمى -


شخصيتك نوعها إيه؟
سكر زيادة :D
ً يقال عنى انى اجتماعية ..


السفر بالنسبة لك؟
السفر بشكل عام متعة مختلفة .. مغامرة جرئية
انا عموماً بحب اروح واجى
واعيش المغامرة دى بكل ما فيها وغالباً مش بنسى الكاميرا
بس ده فى حالة أخد الفرصة بشكل اوسع بقى !!
لكن الشكل الخاص بتاعه- واللى مش بحبه -هو اللى يتجسد فى كلمة فراق


وقت فراغك بتعمل فيه إيه؟
على حسب اللى قبل الفراغ يعنى لو قبله شغل اوى وتعب فاختار النوم طبعاً
زى فترة ما بعد الامتحانات
اما لو فراغ مصحوب براحة .. غالباً بكون على النت


المود بتاعك؟
حالياً فرحانة .. ومحتاره !!


الصفات اللي أخدتها من بابا؟
ابرز صفة :
الاجتماعية


الصفات التي أخدتها من ماما ؟
الطيبة
وحسن الظن بالآخرين


اكتر ست حاجات بكرهها؟
بكره الكذب
بكره الفراق
بكره الفشل
بكره الخيانة والظلم
بكره الناس اللى بوشين


اكتر ست حاجات بحبها؟
بحب اهلى جداً وبحب اقعد اتكلم مع بابا اوى
الوقت ده بيكون كنز بالنسبة ليا
بحب اصحابى جداً ... وصعب انسى اى حد عرفته وخصوصا لو حبيته وكان له فى حياتى موضع قدم
بحب الورد جداً ... من اكتر الحاجات اللى بفرح بيها أوى
بحب اعيش اى مغامرة اجري واتنطنط
بحب شغلى اوى - هو انا لسه مشتغلتش - بس بحب شغلى فى الكلية اوى وصعب استغنى عنه
بحب ورق العنب جدا وبعتبره مقبلات بالنسبة لى
:D

الانترنت بالنسبه لك؟
سلاح ذو حدين


امرره لمين ؟


Mohamed

أوراق الــورد

همسـة قلـم أسماء

Our dreams

30 comments:

Anonymous said...

حسستيني من ردودك انك copy past مني

بس يا ترى بقى ده حاجة كويسة؟ هههه

ردودك حلوة قوي و بجد واضح من ردودك انك
شخصية حلوة قوي(طبعا مش شبهي) ربنا يحميكي يا رب
و مستنيين ابداعات منك تاني :)

hasomi said...

:)

اجابات موفقة

و ربنا يوفقك مستقبلا ان شاء الله ..

...........

هو بالنسبة للتاج ...

فاحنا كان وصلنا تاج

بس الاسئلة بتاعه تاج حضرتك مختلفة شوية ..

ان شاء الله نجاوب عليها مستقبلا ...

:)

همسة قلم said...

احاباتك جميلة يانهى ..

ممكن نتعرف بقى :)

وان شاء الله ارد على التاج قريبا بس دعواااااااتك ياقمر :)

Anonymous said...

مبروك أول تاج يا دكتور
وربنا يكترهم عليكي:D

اجابات جميلة وبتعبر عن شخصيتك
بالنسبة لتمرير التاج
فكأني ما دخلت المدونة ولا شفته:D

سمـــر مــاهر said...

جميل يا نهنوهه

ممممم

يالا
جميل وخلاص

:D

محمد said...

ما شاء الله

جميل فعلا إجابتك على التاج

:)

noha said...

توووتي :

كوبى بيست منك :)
طيب والله شئ كويس انك تبقى شبهى
( اسميل شايف نفسه )

ربنا يخليكى يا توتي يارب وسعيدة بمرورك الاول
ويارب ميكونش الاخير




حاسومي :

جزاك الله خيراً على مرورك

ومستنية اجابتك على التاج

:)



همسة قلم :

ربنا يخليكى يا أسماء يارب

ويسعدنى اتعرف بيكى يا فندم :D

مستنيه اجابتك يا عشل

:)

noha said...

بـهاء :

الله يبارك فى حضرتك يا فندم
بس بلاش يكترهم دى
نظام الاستجواب ده احب اعمله وبس :D

انا هستنى اجابات حضرتك
:)


سمر :

ايه الهنا ده
شكراً لتعطفك وتكرمك ومرورك يا فندم
:D

ربنا يعزك يارب ويوفقك يا جميلتى




وضّــاح :

ربنا يكرمك يارب

:)

وجزاك الله خيراً على مرورك ومتبعتك

:)

7amza said...

اجابات موفقه
بس تسمحيلي حضرتك أضيف على أسئلة التاج كام سؤال كده :

- ما هو تقييم حضرتك للأجازة -هل كانت فيها انجازات بالنسبه لحضرتك

- ماهو أكتر كتب قريتيها وعجبتك
غير الرحيق المختوم
وياريت تضعي لنا لينكات للكتب دي

- حضرتك متفوقة دراسيا ؟

- حضرتك مشتركه في اي جمعيه خيريه ؟
زي رساله
او صيدلي المستقبل
او صناع الحياة ...
اذا كانت الاجابه بنعم ...فما اخر نشاط شاركتي حضرتك فيه
واذا كانت بلا ... فلماذا لا تشتركي في احدى هذه الجمعيات علما بأنها لها دور كبير في نهضة البلد

- ما هو رأي حضرتك في مدونة
our dreams

- هل حضرتك مؤثرة في المجتمع ... ازاي وليه ؟

-ما هو سبب فتح حضرتك للمدونة ؟

- رأي حضرتك في جريدة :الاهرام - المصري اليوم - الدستور


يلا جاوبي يا فندم
مسموح بعمل موضوع تاج جديد للاجابات
ولكن في هذه الحاله سيتم اضافة اسئله تانيه وتمريرها على حضرتك
وفي هذه الحاله حضرتك تقوليلنا هنا انه سيتم فتح موضوع جديد عشان نحضر الاسئله الرخمه بقى
D:

يلا بقى مدام حضرتك مررتيلنا التاج
فلازم نرخم على حضرتك
D:

جمعاوى said...

بعض الإجابا غامضة

و بعضها دبلوماسى جدا

mohamed said...

حلوه الاغنية اللي علي البلوج

كل عام وانتم بخير

:)

ربنا يسهل وابقي ارد علي التاج

hasomi said...

اسئلتك حلوة يا حمزة ...:D

noha said...

حمزة :

ايه ده كله !!

طبعاً مش هغامر واقولك هفتح موضع جديد
بصراحة مش هستحمل استجواب اكتر من كدا
-_-

عموماً هبقى أرد على كل أسئلة فى رد منفصل

:)

وعلى فكرة متنساش تجاوب على الاسئلة دى عندك فى التاج بالمرة

:D
ربنا يعزك

جمعاوي :

مش عارفة محستش ان فى حاجة غامضة

:)

وبصراحة مكونتش دبلوماسية
كنت صريحة مع نفسى بس

:)

ربنا يكرمك

noha said...

مـحمد :

الحمد لله ان الاغنية عجبتك

:)

وانت بخير

سعيدة بمروروك وتعليقك

:)

ربنا يكرمك





حاسومي :

-_-

اه فعلاً أسئلته حلوة
متنساش تجاوب عليها يا دكتور بردوا مع أسئلة التاج

شكلى كدا هعملكم تاج مخصوص :D

noha said...

ما هو تقييم حضرتك للأجازة -هل كانت فيها انجازات بالنسبه لحضرتك ؟
مممممم
كانت فترة نقاهه بالنسبة ليّا ..
____

- ماهو أكتر كتب قريتيها وعجبتك
غير الرحيق المختوم
وياريت تضعي لنا لينكات للكتب دي ؟
لكل فترة فى حياتي حبيت أقرأ فى نوعية من الكتب ..
كتاب صفقات رابحة .. أكثر من رائع
كتب التنمية البشرية بشكل عام
رويات اجاثا كريستى وهاري بوتر
حالياً بقرأ أوقات صعبة لتشارلز ديكنز
حديث القمر للرافعي
هكذا علمتنى الحياة
ده أغلب اللى انا فكراه :$
بخصوص اللينكات هبقى اجبها لحضرتك :)

_____

- حضرتك متفوقة دراسيا ؟
مممم
طوال حياتي كنت اغلب الوقت راضية عن نفسى دراسياً
ومؤخراً .. مريت بمطب كدا بس عالي شوية :D
بس عموماً راضية عن نفسي .. وواثقة فى الله .. ولازلت ابتسم :)
_____

- حضرتك مشتركه في اي جمعيه خيريه ؟
زي رساله
او صيدلي المستقبل
او صناع الحياة ...
اذا كانت الاجابه بنعم ...فما اخر نشاط شاركتي حضرتك فيه
واذا كانت بلا ... فلماذا لا تشتركي في احدى هذه الجمعيات علما بأنها لها دور كبير في نهضة البلد ؟

اه طبعاً
اه كنت مع بدايات جمعية صيدلي المستقبل فى المنصورة بس حالياً متوقفة معاهم شوية
ومشتركة بصناع الحياة .. وبنجهز لرمضان اهو .. دعواتكم :)

____

- ما هو رأي حضرتك في مدونة
our dreams

سؤال صعب :D
جميلةوالنيولوك بتعها ظريف :) .. بحسها تلقائية أوي وبتقدم حاجات ليها معنى

بس على فكرة
الاجمل منها بقى الفروع الآخرى اللى ليها :D

_____

- هل حضرتك مؤثرة في المجتمع ... ازاي وليه ؟

نسأل الله الاخلاص يا فندم :d

_____


-ما هو سبب فتح حضرتك للمدونة ؟

تقدر تقول مواكبة للموضة :D

جاوبت على السؤال ده فى التاج
:d

______

- رأي حضرتك في جريدة :الاهرام - المصري اليوم – الدستور؟

الاهرام : عجيبة من عجائب الدنيا السبع :d
مش بفكر اشتريها

المصري اليوم : جريدة تحترم للغاية .. ومتابعة بشكل يكاد يكون مستمر

الدستور : متابعة ليها ايضاً .. بس مش ليها وصف فى دماغى حالياً

___________

أظن كدا خلصت الواجب اللى عليًـا

:)

متشوقة اشوف اجابت حضرتكم

وربنا يسمحكم بقى ويوفقكم

:D

Anonymous said...

برافوووووووو يا نهى
ايه الاجابات دى يا بنتى ده ولا اكنك فى حوار مع محمود سعد
كل سنة وانتى طيبة

Anonymous said...

:D شكرا كتير و جزاكم الله خيرا يا فندم على الرد
فعلا ردود جميلة اوي
و ربنا يفتح عليكي باب التاجات ميتقفلش :d
سلااام

7amza said...

في اجابات كويسه وفي اجابات نص كم
D:

طيب الدور علينا بقى عشان نخنقكم بإجاباتنا

نياهاها
D:


يلا يا حاسومي عاوزين اجابات تفقع من بتاعتك دي D:

ا بـن عــمــر said...

ايه الكلام الجميل دا
رجوا زيارة
http://ebnomar.blogspot.com/

انكسارات .. احمد البوهى said...

السفر بالنسبة لك؟
السفر بشكل عام متعة مختلفة .. مغامرة جرئية
انا عموماً بحب اروح واجى
واعيش المغامرة دى بكل ما فيها وغالباً مش بنسى الكاميرا
بس ده فى حالة أخد الفرصة بشكل اوسع بقى !!
لكن الشكل الخاص بتاعه- واللى مش بحبه -هو اللى يتجسد فى كلمة فراق
>>>>>>>>>>>>
اجابة رائعة

belal said...

ماشي يا أختي ربنا يديم فرحتك :)
ويخفف حيرتك
..
وكل عام وأنتم بخير وإلى الله أقرب
..

فلسطينية الهوى said...

نهى :

اجاباتك جميلة زيك تماما

عموما يا حبي

نهنوهة ده اختراعي وحقوق النشر والتوزيع محفوظة


وانا مقرأتش البوست اللي انتي حبيتيه فهقرأه لانك حبيتيه :)


صحيح :

كل سنة وانتي طيبة

وابعتي ميعاد ورقم الرحلة لو سمحتي

وياريت الاجابات والاسئلة في التعليق تبقى في بوست منفصل

noha said...

قطر الندى :


ربنا يخليكى يا عشل
وبعض ما عندكم يا ستى
:)


عبد الرحمن :

ربنا يعزك يا بشمهندس
وبعدين دعوتك دى صعبة اوى

عموما
جزاك الله خيرا



حمزة :

يا سلام

:D

عموما مستنيه اجابتكم

ربنا يكرمك يا فندم

noha said...

ابن عمر :

ربنا يكرمك يا فندم
واهلا بك فى زيارتك الاولى واتمنى متكونش الاخيرة
:)



انكسارات :

ربنا يكرمك يااخى
:)



صاحب الاشياء الاخرى :

ربنا يكرمك ياأخى
وانت بخير يارب


آيه :

:)

يا هلا ..

ربنا يخليكى يارب
عموما انا قولت انى بحب نهنوهه
ويارب البوستات اللى عجبنتى تعجبك

وانت طيبة يارب

وان شاء الله من غير مواعيد اكيد لما انزل مصر الدنيا هتنور
( اسمايل شايف نفسه )

والاجابات اللى فى التعليق بقى
دوك حمزة بس لو يقولى انى مش هسالك أسئلة تانيه انزلها
منفصل بس خايفة اغامر

:D

ياسر سليم said...

السلام عليكم ورحمة الله وبركاته

كل عام وانت إلى الله أقرب

غفر الله لنا ولك فى رمضان

و ثبتنا على الخير بعد رمضان

About Me said...

مبروك عليكي اول تاج
وهي مادام بدأت بواحد يبقى مش هتخلصي
وبكرة تشوفي
كل عام وانتي بخيييييييير

رمضان كريم

alqassam said...

اجابات نموذجية

وكل عام وانتم بخير ونسال الله الثبات وان نكون صادقين مع انفسنا

القسام

بنت أبيها said...

كل سنة وانتى طيبة يا سكر

وربنا يوفقك

ibn nasser - ابن ناصر said...

رمــضان كريــم
وكل عـام وأنتـم
بخيـر
..

AbdElRaHmaN Ayyash said...

:D
ما شاء الله
ردود جميلة يا فندم
شكرا على الرد اصلا
:] و الاخ ابن ناصر
هو منين ؟