غريب حال الانسان ..
ممكن يعيش طول حياته مش عارف هو ماشى فى ظلمة ولا فى نور !؟
ولكنه عارف طريقه ده فى مطبات ولا لاء !؟
جايز لانه طول حياته ماشى وقاعد يبص تحت رجله
مشغول بالارض واللى فيها وناسى – او متنسى !! – يبص على السما !!
ويفضل ماشى فى حياته مشغول بمطباته وبيبص على الارض
حتى انه احيانا بيحاول يعرف ايه اللى تحت الارض !!
لكن فجأة وقف
واكتشف ان طريقه واللى كان باصص على ارضه .. كان طريق من طرق تانيه هيمشى فيها
بس الفرق ان الطرق التانيه لازم فيها من الاختيار
لازم وقتها يبص هو كان فى ظلمة ولا فى نور !؟
ظلمة يا ترى هيقدر يخرج منها .. ولا نور كان ماشى فيه و هيقدر يستغنى عنه ..
ولانه طول حياته باصص على الارض .. ومشغول بالمطبات
وقتها تبقى المشكلة انه يحتار وميعرفش يختار ..!!
مفـترق طرق قدامه ..
بدايتهم واحدة بس نهايتهم مختلفه
وبقيت حياته متوقفة على الاختيار
29 comments:
كل سنة وحضرتك طيبة
سعدت باكتشاف مدونتك
وبجد حتة سكر
تحياتى
مشكوره على البوست الجميل
يقول الدكتور القرضاوي في كتابه جيل النصر المنشود على ما أذكر
من صفاة جيلب النصر أنه
جيل يؤمن بالواقعيه ويكفر بالعشوائيه
لا ينسى وهو يتطلع الى السماء أنه واقف على الأرض
فيضع الأمور في نصابها
فلا يحرث في ماء ولا يبذر في صخر
هكذا هي حياتنا لا خير فيه اإلم تنظم بمعايير الحياة الكبرى
الله
ثم الدين
ثم ما تتوقف عليه الحياه
ودمتم بخير
أنا برأيي مفيش حد يختار يمشي في الظلام
ولا حد ممكن يترك النور
لو الواحد نظر وشاف الظلمة والنور أكيد حيختار النور
لكن المهم ينظر
يعني بس يفتح عينه
وأكيد حيختار صح
بوست جميل أختي نهى
والحمد لله انك كتبتي أخيرا:)
ياااااه جميل اوي البوست ده
الواحد يختار طريقة
بس لو كان محدد هو عايز ايه في الاول اكيد هيختاره صح ويقدر يمشي فيه ويتغلب على كل المطبات
teftekry ya nahnohty ennehaythom wa7da
maftekrsh la2en dayman fe 7ad byt3ab we 7ad byrtat de de el 3adla beta3et el donya we aked ma7adsh by7'tar nhayto
rabena yr7amna
ماهو مش هيعرف ان طريقه فيه مطبات غير لما يبقي فى ولو بصيص من النور
احنا ندور على الطريق الاكثر نورا واضاءة
وليه لما الواحد يقف علشان يشوف طريقه ظلمة ولا نور لازم ساعتها يغير
ما يمكن الطريق اللى كان ماشي فيه هو الصح بس المفروض يغير هو طريقة مشيه فيه ...!!!
صح؟
يعنى نغير طريقتنا فى التعامل مع الطريق وليس بالضرورة تغيير الطريق :)
معظم بوستاتك يانهى بتخليني اقراها كذا مرة وافكر فيها
وانا بحب النوع ده من البوستات:)
ممكن يبص لفوق هيشوف النور والظلمة
وهيعرف يختار
أحمد :
وانت طيب يا فندم
وسعيدة بمرورك الاول
واتمنى تكرر الزيارة
:)
دكتور حـر :
حضرتك بتتكلم عن الموازنة ما بين الطموح فى الله والتطلع للافضل والواقع
وكلام حضرتك اللى نقلته عن الدكتور القرضاوي سليم بس مش ده اللى كنت اقصده
انا بتكلم نهاية مرحلة فى حياتك بس نهاية متشعبة يوجب عليك الاختيار فيها اختيار مع وجود عوامل كتير حياتيه مؤثرة عليك
اختيار ملوش دعوة بالطموح لكن له دعوة بالواقع
اشكرك على تعليقك اللى افدنى ولكن من زواية تانيه
:)
بهـاء :
كلام حضرتك سليم جداً
طيب لوالظلمة مقنعة
واختياره ده
هيدخله فى طريق صعب الخروج منه
يختار ازاى ؟
اشكرك على تعليقك
:)
سلوى :
يااااه على رفع المعنويات
:d
طيب افرضى ان الطريقين بدايتهم تخليكى تتخيلى ان النهاية واحدة
هتختارى ازاى ؟
هبـة :
اولاً انا قولت ان نهايتهم مختلفة لان فى واحد هيخلى تخسرى كتير وميبقاش فى اربارح
ولو حتى بشكل بسيط
ثانياً ودى منى لكى
ان كل حد بيتحط فى مواقف تنسبه وتناسب ردة فعله
وتناسب قدرته على التحمل
ده اللى هيخلى النهاية مش واحدة
وحتى لو كان ظاهرياً فى ألم فاظن ان ده واقع مقنع
:)
ربنا يخليك ليا
كفايـة طيبة :
حلوة اوى كلامك وعجبنى يا مومو مع انك اخدتيه من منظور تانى
منى المطبات اللى هو عرفها اكيد كانت نيجة بصيص من النور او انه فعلاً كان ماشى صح زى ما انت قلتى وعشان كدا قد يتغلب عليها
المشكلة فى نهاية طريقه ده
كانت متشعبة زى ما قلت ووقتها لازم يختار
يا ترى بس وقتها هيقدر يفصل ما بين الظلمة ونور ولا هيقول لنفسه اخوض تجربة وزى ما تيجى تيجى
ميرسى على التعليق جداً
وميرسى على جملة المجاملة اللى فى الآخر
:)
فلسطينة الهوى :
طيب افرضى الظلمة مقنعة
وقتها يا ترى هتعرفى تختارى
تحياتي يا د نهى
انا لم أقصد ما فهمتيه أيضا ولا يتحدث الكتاب عن ذلك
الأمر ليس له علاقة فيما بين الله والعبد
ولكنها العلاقه الحياتيه
انا فهت ان حضرتك تكلمتى عن المفترق والذي يوجب عليك الاختيار
والشيخ تكلم هنا عن الواقعيه في الاختيارات عامة في الحياه ما بين الطموح والأحلام فقط
بحيث لا نفرط في الاحلام ولا نتدنى في الطموح
وأظنها نقطه هامه في مسألة حيرة الاختيارات
لا أدرى هلى وصلت أم لا
واحاول أجيب النص كاملا ان شاء الله
ودمتم بخير
فعلا لازم الواحد يبص قدامه وفي نفس الوقت يبص تحت رجليه متسألونيش ازاي .. بس لازم يعني
:)
كل عام وحضرتك طيبة
صدقتِ
هناك من ينظر تحت قدميه
وقد يكون وهو ينظر في مفترق طرق أصلا
ومع العوائق يتخبط ويتلوى حتى يدخل في البداية المتشابهة ثم يفاجئ في نهاية المفترق أنه لم يكن يقصد هذا بل كان يريد طريقا اخر
ولات حين مناص
تحياتي نهى على البوست المميز
... مزاجات
عارفة يانهى
حسيت بالبوست ده دلوقتى اوى رغم انى قراه قبل كده اكتر من مرة
لكن يمكن لانى على مفترق طرق بالفعل الان حسيت بكلامك اوى
ادعيلى بجد
:)
لا أدري ماذا يحدث ؟؟ ولكن أظن أني علقت على هذه التدوينة قبلا
.............
حقيقي في ناس بهذا المنظر
الأسوأ إنه أحيانا يستسقظ فيجد نفسه قد ضل الطريق وأيضا نسى شكل الأرض التي جاء منها
تحياتي
حتى لو كانت ظلمة مقنعة
أكيد حيكون بإمكانه يختار
لو هو كان عارف هدفه بالضبط
اللي حدد هدفه بدقه
وعرف نهاية الطريق اللي هو عايزه
صعب الظلمة تخدعه
كلام جميل وكلام معقول مقدرش اقول حاجة عنه
بجد البوست جامد
بس انا على فكرة قريته اكتر من مرة عشان افهمه
مش عارف بقى العيب فيا تقريبا
أدعوكم للأشتراك في الأستطلاع على مدونتي
وجزاكم الله خير
كنت ح أقول نفس فكرة تعليق
دكتور حر
جزاكم الله خيرا على البوست
انا من الناس اللى بيجى عليها فترات و تنشغل بمطباتها
بس برجع بعدها بفوق و غالبا بلاقينى كنت ماشية ناحية الضلمة و ربنا خلانى ارفع راسى
فارجع خطوتين تلاتى و اختار طريق تانى و انا باصه قدامى
و شوية وهوب ابص تحتى
و افضل كده شوية تحت وشوية فوق
بس يارب افضل ابص فوق كل فترة
تحياتى ليكى
ليه بس تعب القلب ده يا نهي
اصل تدوينتك دي في وقتها بالنسبة لي لاني قدامي اختيارات كتيرة وحاسس فعلا اني في مفترق طرق وربنا يوفق
دكتور حــر :
وصلت يا فندم :)
وكلام حضرتك هو ده اللى انا اقصده
على الاقل فى زواية من زوايا الموضوع
تعليقك مميز ومتابعة اسعدتنى
جزاك الله خيراً
حمزة :
مش هسألك ازاى
لانى فهامة قصدك
وان لم يخنى فهمى
فانت تقصد عملية موازنة ما بين معالجة المطبات والتعاش والطموح للافضل
:)
وحضرتك طيب يا دكتور
ونورت البلوج بعد الغيبة
مـزجات :
تعليقك جميل جداً
انى ادخل طريق بسبب معيقات وفى نهايته اقول لاء ده مش هو
وتقريباً هو ده جزء من المشكلة وجزء كبير كمان
وواضح ان مالوش حل ولا موزانة ولا اى حاجة
نورت البلوج يا فندم
:)
همسة قلـم :
وانا اقول فى ايه تعليقئها اتأخر ليه
:)
على قد ما انا سعيدة بالتعليق
على قد ما كنت اتمنى يبقى الموضوع عجبك من غير ما تكونى عايشاه
ربنا يوفقك ويهدكى لما يحبه ويرضاه
:)
وضــاح :
شكراً على تعليقك
وربنا يكرمك يارب
:)
بهاء :
عندك حق
عجبنى اوى التعليق ده
:)
ربنا يكرمك
واشكرك على المتابعة
ميدو :
بجد ربنا يكرمك
بس كويس انه طلع جامد بعد قرأته كذا مرة
!!
:D
واكيد العيب فى اسلوبى يافندم
ربنا يكرمك
جمعاوى :
شكراً على ردك
وسعيدة بمرزرك ومتابعتك
sa7’so7’te :
بجد تعليق رائع
تعرفى ليه ؟
لان برافوا عليك جدا انك كل فترة بتبصى فوق وترجعى كام خطوة وتكملى تانى
وده الصح وده اللى هيخلاكى دايما تختارى صح
ربنا يركمك يارب
وسعيدة بمرورك الاول وزيارتك الاولى ليا
واتمنى تكرريها
:)
مصراوي اوى :
معلش اننا تعبنا قلبك
:)
ربنا يوفقك يارب
ويهديك لما فيه خير لك
اشكرك على تعليقك ومتابعتك
:)
ربنا يكرمك
احــــــــــــــــمـــــــــــــــد
شكرا
على الموضوع الجمل
وسلميلي على الي عندك كلهم
اخـــوك احــمــد
@ AhmedSoft @
أدعوك للمشاركة في الحملة ضد جريدة المصري اليوم
زوروا مدونة مظلومين للتعرف على الحملة وأسبابها وأهدافها
كن إيجابيًا وشارك وقل
لا للكذب والتلفيق
مالك مصطفى
موضوع جميل
دائما ما نقابل مفترقات ولازم نكون صاحيين ومركزين فى الاختيار لانه يحدد مصير الانسان
والنور باين اوى ومعروف ومختلف عن الظلمة ولكن من يتغل على اهوائه ويختار النور هو الفائز
رب العزة سبحانه وتعالى يقول :
"وهديناه النجدين "
موضوع متميز
جزاكم الله خيرا
希望大家都會非常非常幸福美滿快樂健康美麗更希大家活力無限.......................................................
希望大家都會非常非常幸福美滿快樂健康美麗更希大家活力無限.......................................................
Post a Comment