Friday, January 25, 2008

انتى نكـدية !!


هل الكآبة والنكدية فن يبدع فيه الكثيرون ؟؟

فى البداية .. نتفق على شئ ألا وهو : ان الظروف ( الحالية ) لدى الكثيرين - فى هذا الوقت من العام - تجعل من نظرتهم للاشياءنظرة سوداوية بحته .. تخلو تماماً من اى بارقة نور وأمل ..
هذا اولاً

وثانياً : أنه لابد من عدم الخلط مع بين .. اليأس .. والاكتئاب
فهذا شئ وذاك شئ آخر ..

وثالثاً : بأنى لا أقصد بالكآبة والنكدية .. من يبوحون بشئ من تلك المشاعر الحزينة ..
او المواقف الصعبة فى حياتهم .. أو تلك ( الخنقة والكآبة ) التى تأتى فى وقت من العام والتى من الممكن ان يتعرض لها أى شخص وتصيبه فترة من الزمن ..

ولكنى اتحدث اليوم عن من هم مبدعون فى تلك النظرة ..
الذين يبحثون عن كل ما هو محزن .. فقط ليحزنوا !!
الذين يغضبون لأتفه المواقف .. وأصغرها
بل ويجعلون منها حدث جلل وعظيم
من ينظرون للاشياء والمواقف بمنتهى السطحية فى التفكير ..
ليأخذوها على جانب مظلم وفقط ..
ليصنعوا من ذلك الحدث .. حدث كئيب و( نكدي ) بالنسبة اليهم ..
ليأبدوا فى الحديث حتى ولو ( مع انفسهم ) !! عن لماذا هذا .. وكيف ذاك .. ولما .. ؟؟!!
وكأنهم يستهوون ان ( ينكدوا ) على انفسهم قبل غيرهم ..!!

سطحيتهم فى التفكير .. عدم أخد المواقف بشئ من العقل والمسؤولية ..
عدم النظر الى اوجه الحدث والموقف .. كما اظن أن عدم الثقة فى النفس أحياناً ..!!
هى من تجعلهم كذلك !!
هي من تجعلهم مبدعون فى ( النكدية ) والكآبة ..



ليس بالضرورة وجود تلك الاشياء فى تلك الشخصية بل أحياناً
قد يكون هذا الاكتئاب مجرد تصنع ليس الا .. ليأخذوا نصيباً من الاهتمام !!!!
وقد يكون هذا الاخير هو الشكل المرضى لتلك الشخصية ..
على اى حال .. ليس هذا الوصف او ذاك توصيف نفسى وانما هو عن تجربة قد تكون مرت بى او بغيرى ممن قابلتهم وكانوا خير دليل على ذلك ..
أو وللاسف بنعتى أحياناً من قِبل آخرين : بأنى نكدية !!
وللاسف عند كتابتى لهذا البوست .. ومع تذكري لتلك المواقف .. اكتشفت انه كان بكلامهم شئ من الصحة ...
لأعترف بأنى ( كنت ) مبدعة فى هذا الامر ..!!!
وحتى وان كان اعترفى بذلك به شئ من القوة .. فالقوة فى حد ذاتها بعدم العودة فى ذلك


فالحياة .. ليست طريق مستقيم ممهد
والبشر .. ليسوا جميعهم على حد سواء
والمواقف .. ليست ثابتة النتائج



ولذلك يجب التفكر بعمق وعقلانية فى اى حدث وموقف ..
.. يجب الا نعطى المواقف والامور أكبر من حجمها ..
فـأخذ الامور بشيء من البساطة ..
قد تجعل من الحياة تجربة يجب على الجميع ان يخوضوها بنوع من التحدي والامل .. لا النكدية
وأن نجعل من هذا التحدي فن يبدع فيه الكثيرون ...
عندها سنجد فى الموقف العديد من الايجابيات .. التي تجلعنا نبتسم
عندها سنجد بداخلنا وبداخل من هم فى الجهة الآخرى .. الكثير من المشاعر الجميلة
التى سنجعلنا لا نقف كثيراً عند بعض المواقف ..
عندها .. ستكون الصورة التى فى هذا البوست مقلوبة :)

29 comments:

Abd-Alrahman said...

اية دة اول تعليق برضة ؟؟
علي فكرة انا اخدت النهارضة اول تعليق كتيييييير
في مدونات ناس تانية
النشاط حلو
اما بالنسبة لموضوع البوست بتاعك فانا عندي كلمتين

إننا أحياناً قد نعتاد الحزن حتى يصبح جزءاً منا ونصير جزءاً منه..
وفي بعض الأحيان تعتاد عين الإنسان على بعض الألوان ويفقد القدرة على أن يرى غيرها ..
ولو أنه حاول أن يرى ما حوله لاكتشف أن اللون الأسود جميل .. ولكن الأبيض أجمل منه وأن لون السماء الرمادي يحرك المشاعر
والخيال ولكن لون السماء أصفى في زرقته ..
فابحث عن الصفاء ولو كان لحظة .. وابحث عن
الوفاء ولو كان متعباً و شاقاً ..
وتمسك بخيوط الشمس حتى ولو كانت بعيدة ..
ولا تترك قلبك ومشاعرك وأيامك لأشياء ضاع زمانها

استمتعت بقرائة بوستك الهايل

Anonymous said...

بوست جديد ..؟؟!! وما أكثرها بوستاتك
تتكلمين عن الإبداع .. واين انت من ..هذا ؟؟
أصدقك القول .. أنت ..
لست مبدعة
...
لست مبدعة
...
لست مبدعة في الكآبة فقط
بل إن الإبداع يسري في عروقك سريان الدم
أحييكِ صديقتي وأحيي فيكِ إبداعك
وأتمنى من الله أن يدوم ..
قلمك .. كاتباَ
وعقلك ... مفكراَ
وثغرك ..ضاحكا باسماَ
ياصاحبة أحلى ابتسامة .. وأجمل ابداع

ياسمين العشري

AbdElRaHmaN Ayyash said...

مممممم
و الله كلام جميل اوي
العاطفية بشكل عام مش كويسة .. او الغلو في العاطفية
دي مشكلة طبعا
بالنسبة لي الابداع الكئيب .. او الرومانسية المبدعة .. تكون اقرب الى القلب كثيرا من غيرها
و أجمل ابداعات الادباء تكون في أقسى اللحظات عليهم
حقا أبدعت مرة أخرى
أشكرك كثيرا
سلام

Anonymous said...

جميل الموضوع جدا
وفعلا محتاج لمراجعة النفس ومعرفة الخلل هل فعلا في شيء يستحق النكد ولا احنا اللي نكديين؟
في ناس اعتادت على النكد وهذا أوصلها للسلبية والاستسلام للأمر الواقع، ممكن الواحد يصاب بشيء من الكآبة لما يتعرض لمواقف معينة لكن مش لازم يستسلم ويعيش تحت هذا الستار
تحياتي لك

Anonymous said...

السلام عليكم

ماشاء الله عليك ياسكرررره
أولا جزاك الله خيرا وسدد خطاك

وبعدين

قد يفرغ المرء أول شحنة يشحن بها على ورقه وان لم يكن عنده قلم فهو مستعد لأن ينسج من الورق اقلاما وان لم يستطع
فقد يضطر ان يكتب بدم قلبه ودمع عينه

هي الشحنة الأولى

سبحان الله ... غالبا مايهدأ الانسان بعدها

ولكنه عندما يعاود قراتها
اما انه قد يستسخف ماكتبه
أو انه يشحن من جديييييد
وتستمر الشحنات في طريقها الى ان يصل الشخص الى حد التشبع
عندها

لا يستطيع المرء ان يعييش

فأمامه ايضا طريقين
اما ان يرجع لرشده...ويفكر بعقلانية
واما أن يواصل ليرى الدنيا سوداااااااااااااء
ليس بها من النور بصيص


بارك الله فيك حبيبتي

{تخصصي فيزياء واراه أثر على عباراتي}

Mo3Az said...

الله على الكلام
تشخيص جميل بجد

فعلا فى ناس متخصصين فى البحث عن الجانب المظلم .
مثلا نبقى فى عيد ومبسوطين ، يقوم طالع كدة مرة واحده ويقول :
هييييييييه :( ياترى السنه الجاية هاكون لسه عايش ونجمع زى دلوقتى كدة تانى ولا هكون مت ، وللا يمكن السنه الجاية تيجى وانا تعبان

وهكذا يقلب اللحظات السعيدة الى اخرى تعيسة
دا تخصص برده على فكرة :)

نسأل الله السلامة
بجد بوست جميل
تحياتى
(F)

آخر العنقود said...

كلام جميل وواقعى جدا
ومش انتى لوحدك اللى بتعملى كده
فى كتير بيمر بنفس المآسة
بل ويتصنعوا ويبرعوا فيه
ويبحثون عن احث الوسائل لذلك
:)
بس الشطارة والاختلاف انك قدرتى
تتغلبى عليها
احيكى على هذا بصدق
وعلى صياغة الافكار بهذا المنوال

دمت بكل خير
am.zaid
يس دى مدونتى الجديدة

بنت أبيها said...

بالنسبة للنكد انا ساعات بحس انهم بيخافوا يكونوا فرحنين

مش عارفة ليه

بس قرار كويس اهم حاجة الاستمرارية عليه

كنت كتبت تدوينة بعنوان

Just Smile

http://tazabit.blogspot.com/2008/01/2.html

اقرأيها هتفيدك

محمد said...

النكد صنعة .. مش لوية بوز

:D

قد يكون هذا الاكتئاب مجرد تصنع ليس الا .. ليأخذوا نصيباً من الاهتمام !!!!

أعجبتني هذه الجملة

noha said...

dr.online :

سعيدة انك اول تعليق
واستمتعت بقرأت تعليقك المميز

:)



عبد الرحمن :

جميل تعليقك يا بشمهندس
وبصيت للنكد من جهة ظريفة جداً

:)

ربنا يكرمك




بهاء :

الله يا فندم قولت حاجتين مهمين اوى

اول حاجة :
في شيء يستحق النكد ولا احنا اللي نكديين؟

فعلاً المفروض قبل اى ردة فعل اشوف هل يستحق الموقف ام لا

تانى حاجة :
لكن مش لازم يستسلم ويعيش تحت هذا الستار

يعنى حتى وان كان يستحق النكد
لابد من غض النظر فى بعض الحالات او تعدى الامر

بجد
تعليق عجبنى

:)

noha said...

ياسمين العشرى :

ياااه والله مش مصدقة
انك هنا .. لاء
وبتعلقى كمان

وااا فرحتاااه بجد :)

وايه الكلام ده ربنا يخليكى يارب يا سمسمة
:)

عارفة انى وحشاك وانك مفتقدانى جدا
( اسمايل قليط )

وكل سنة وانتى طيبة بالمرة
ومبروك اكمال سن الرشد :D
كبرتى يا سمسمة :)

ربنا يكرمك يارب

noha said...

قبس :

وعليكم السلام ورحمة الله
وايكِ يا حبيبتى

تعليق حلو اوى يا منيرة
والتخصص غالب فعلاً

ربنا يعزك يا اخيتى




mo3az:


فعلاً التخصص اللى اتكلمت عنه فى ناس كتير كدا

تعرف مش المشكلة فى اللى بيقولها بهزار وتهريج
المشكلة اللى بيتكلموا وقتها بجد
وبيعيشوا اللحظة :D

تبقى كارثة والله

سعيدة بتعليقك يا فندم
وتحياتى لك

noha said...

آخر العنقود :

سعيدة بتعليقك الاول
بعد ما فتحتى المدونة

ومبروووك عليها
وان شاء الله نجى نبارك لك هناك :)




بنت أبيها :

تصدقى ممكن
بيخافوا يفرحوا .. !!

هى غريبة بس ممكنة

:)

ان شاء الله اشوف البوست

ربنا يعزك





وضاح :

النكد صنعة .. مش لوية بوز

وانا عجبنى المثل ده
اول مرة اسمعه :)

يا سبحان الله حتى النكد بقى حرفة
يللا كويس للى ملهمش شغلة :D

جزاك الله خيرا ً

سمـــر مــاهر said...

اد ايه كلامك بيعجبنى
بحس انى واقفه ادام انسانه فيلسوفه زمانها

حقيقى كلامك رائع


استمرى يا نهى

محمد said...

هذا ليس مثلا .. ولكن جاءني عندما قرأت الجملة التي أعجبتني عندك

وبس :)

sa'7so'7te said...

انا الصراحة كنت فنانة فى الموضوع ده
بجد كنت مبتكرة ببتكر اساليب اعكنن فيها على نفسى
بس الحمد لله انا دلوقتى بدأت افقد قدراتى الفذة دى
و بدأت ابص للنص المليان من الكوبايه بعد ماكنت مقتنعة ان مافيش كوبايه اصلا
:)

just-amuslim said...

ابتداء ..(صوت حد صايع بيسقف بصوت عالي بهستيرية رهيبة وكمان بيصفر..وكالعادة الصفارة مش مزبوطة :)

تعجبني كتاباتك النفسية الى حد كبير فعلا ...
ابتداء لانها تخاطب العقل ..وتحيل تلك الكلمات الى القلب بشكل سلسل سهل يعتمد على التجربة والمشاهدة والاستنتاج ..

فعلا ..كان مقالك على شكل (ريفريشنج )سريع على عقلي ..

بقالي كتير ماقرأتش ليك شي ..

اظنني علمت الان من اين تؤكل الكتف ..

......

عارفة اول مرة ف حياتي اكتب تعليق بالامبالاة دي ..
عارفة ليه ..
؟؟

بجد اديتيني احساس انو ولا شي يستحق

بلا نكد بلا هم

(ايقونة غمزة)

تصفيرة كمان

وصفقة عالية


وعلي صوتك بالغنا ياباشا

بجد الف تحية


ماتقوليش لحد ان انا علقت مرة بالطريقة دي ..

ابوس ايديك

كفاية فضايح

صوت من مصر said...

حرام عليك انا لسه خارج من حاله اكتئاب على قرف بس الحمد لله ربنا ستر عموما بلوج جميل جدا

mo'men mohamed said...

انا مش بحب ابدا النكد
ولكنى بارع فى فن الكئابة
بس مش اى كئابة ومش فى اى وقت
جزاكم الله كل خير
السلام عليكم

كفايـة طيبـة said...

mmmmmmmmm

wallahy nefsy a3alla2 bss msh 3arfa :D

momkn el wa7ed fe3lan yb2a by7eb el "shagan" msh el nakad bss hwa aslan bany adam mefarfesh geddn
w ysm3 aghany hamm w bta3 w hwa mafeesh a7la mnno felde7k

lakn m3tkdsh enn fy 7ad nekady keda 3latool

3arfa lao 7ases beln3am elly rabena eddahalo el nakad w el sakht dh msh hayb2a lee wogod neha2y

ana bafaddal a2ool 3leeh shagan msh nakad

3agabny t3lee2 "just a muslim" :D

mafeesh 7aga testahel nakad ,,, homma yomeen e7med rabena 3la elly eddaholk w kafe7 3shan el a7san balash nakad 3la nafsak

keep writing ya noha :)

فزلوكة said...

لو قلنا إن البوست عجبنى ..مش كفاية
مجرد إنى لقيت نفسى فى بعضه (أصل أنا مش نكدية صرف)
بس عارفة أحيانا ده بيكون مرتبط بحالة مزاجية عندنا"المووووووود يعنى" فنلاقينا مثلا بنكبر حاجات جدا وأحداث بتكون فعلا نكد ناخدها بمنتهى البساطة
لكن وبما إنى حاليا منعكفة على مجدولين للمنفلوطى
أحب أقولك إن النكد
أحسن إبداع
سعدت بزيارتى للمدونة
وهتلاقينى عندك كتيييير-بس إنتى متزهقيش-زهراء

Anonymous said...

مررت من هنا قدرا ..


تذوقت من هذا السكر المفرح

ووضعت منه على نكدي وقلبتهما بقوة فذاب النكد في السكر


صدقت نها

كثيرا يريدون اي يكون نكديين او منكدين على الناس أوحتى على انفسهم

مساكين هؤلاء

عاشوا بنكد
وسيموتون بنكد
ولعلهم يبعثون يوم النشور بهذا النكد
فإن المرء يبعث على مامات عليه



تحياتي




... مزاجات

noha said...

سمر :

ربنا يكرمك على الاطراء ده

سعيدة بزيارتك اللى كل سنة

:)





وضاح :

طيب والله كويس
يبقى مدونتى ليها السبق
فى نشر
المثل

وانا مصممة انه مثل
:)


وبس





سخسوختى :

طيب الحمد لله انك شوفتى الكوباية واقتنعدتى بوجدها
ده فى حد ذاته انجاز
:)

ويارب تبصى لنصها المليان على طول

تحياتى لك




ولاء :

بداية صوت صفااارة جامدة اوى اوى
ووووووو

با حبيبتى مفيش حاجة بتستخبى فى البلد دى

الله يعنيه
:P

noha said...

صوت من مصر :

معلش انى قلبت على المواجع

:)

بس الحمد لله ان البلوج عجبك
وسعيدة بزيارتك الاولى




مؤمن :

فن الكئابة ..

:D
ربنا يعبن حضرتك

بس مقولتش ايه الاوقات اللى بتبدع فيها فى الموضوع ده

وايك
وعليكم السلام ورحمة الله وبركاته



كفاية طيبة :

بصى يا منى
انا هدعيلك دعوة واحدة بس

ربنا يكرمك يااارب وتكتبى عربى تانى زى زمان


سعيدة بتعليقك اللى تعبنى :D

وربنا يوفقك فى شغلك يااارب
ويبقى كله صح :$

noha said...

فزلوكة :

النكد احسن ابداع
:)

ياريت بس الناس تقتنع
ومش هزهق ابدا يا فزلوكة هانم :D

واتمنى تنورنى هنا دايماً






المزااجات :

سبحان الله
من زمن اخى لم تمر .. ولم تدون
عساك بخير ان شاء الله
سعيدة بتعليقك ومرورك الهادئ


جزاكم الله خيراً

Anonymous said...

اعلق ايه بس واقول ايه على الكلام الحلو ده يا نهى
ده فيه ناس عندهم النكد موهبه
لاكن ارجع واقوول
استمتع بالسيء فالاسوء قادم
يسلم العقل اللي فكر والقلب اللي حس والايد اللي كتبت
وربنا يخلي عمو علشان هو اللي جاب الكمبيوتر

noha said...

هوبا :


انتمتى الحلوة
ماشى
لاتعليق على كلامك

واستمتع بالسئ فالاسوء قادم

تصدقى وانا قاعدة اقول انا طلعة نكدية لمين
:D

وربنا يخلى عمو .. انا عارفة انك رسامة عليه من زمان
:D

Anonymous said...

ماشاء الله بوست راااااااااااااااائع
ربنا يكرمك يا سكرة واحلى حاجة فعلا ان الواحد يا خد الحياة ببساطة هيلاقيها حلوة وماشية معاه وزي الفل
ام عمار المسكرة

Anonymous said...

滿.......................................................