بين أحداث شغلتنى رغماً عني
شغلتني عن المنفذ وأحياناً الملجأ الوحيد لما يجول فى خاطري
"مدونتي"
..
بين أحداث قد تكون شغلتنى حتى عن أناس
ذو أهمية كبيرة فى حياتي
..
بين تصارع لأيام باتت تنتهى مسرعه
ودقات لساعة لم نعد نشعر بقيمتها !!
..
رغم كثرة الاحداث والانشغالات
وتزامنها الغير مرتبط بقدراتك الشخصية
بل أحيانا يأتى فوق ما قد تتحمله
..
بين اشتياقى لرنين هاتفي
واحساسى المتناقض عند الاجابة عليه !!!
..
بين افتقادى لمن يؤنس تلك الوحدة
واحساسي بنوع من المغامرة
في وجودي معها !!
..
بين اختبارات لنهاية سنـة من ألذ وأمتع ما عشت
حتى أنها تتفوق فى نكهتها
على حبى ل مكس بالشكولاته !!
سنة بها الكثير من النكهات
سنة قد يكون ارتفع ضغط الدم عندى بها قليلا !!
قد تكون أثرت بشكل أو بآخر على القولون
قد يكون هناك دائماً اشتباه لعصبية مفرطه عادت لي بعد سنوات من الغياب !!
..
الا انها
سنة أثمرت بتغيرات أحببتها في
وأحببت طريقتى فى التعاطي مع متغيرات لواقعي
...
سنة أثمرت بشخصيات
أصبحوا ذو قيمة
وتأثير وأثر
شخصيات لجسر جديد من علاقتى الانسانية
التى لن أسمح لهم بالابتعاد عنه
ليس تسلطاً .. ولكن قد يكون حبا لتملكهم وفقط :D
وان يكونوا جزء من حياتي
..
بين كل هذا وأكثر
مما حار فكري في أن أصيغه بكلمات
اشتياق وفقط
17 comments:
:D حب تملك .. حب امتلاك يعني ؟ :D
لا حقيقي كلماتك جميلة جدا
بس احيانا الحب الزايد بيحسس الاطراف الاخرى ان في حاجة غلط .. انهم مش حريت في اختياراتهم او قراراتهم
خدي بالك منهم .. و اسمعيهم .. و هم مش هيبعدوا .. و لو بعدوا هيرجعوا .. لأنك اللي بتسمعيهم .. و هم مش بيكونوا عاوزين غير كده
انتى كنتى بتفكرى فى ايه بالضبط وانتى بتكتبي ؟؟
مبقتش افهمك
حمدالله على سلامتك
المدونة نورت تاني
:)
عبد الرحمن :
حب امتلاك ايه بس
انت مركز مع جنات كدا ليه
:D :D
اولا جملة تملك وتسلط كانت
تشبيه عقوى منى
مقصدتش بيه حاجة
ثانيا
كل الناس اللى فى حياتى واللى فى بينى وبينهم علاقات انسانيه
انا بحبها
تملكى ليهم
فى انهم جزء مهم فى حياتى مش هينفعم ابدا
انه يمشوا ويسبوا فاضى
لكن هو تملك بلا امتلاك
ثالثا
اى شخص ممكن يحتاجكك بتوقف معاه
فما بالك بالناس اللى بتحبهم
تتوقع هتعمل معاهم ايه
:)
ربنا يخليك يا عبد الرحمن ضحكتنى اوى بتعليقك على فكرة
:)
مومو :
والله يا منى اه لو تعرفى ان البوست ده اسرع بوست فى التاريخ
وبالذات بعد انتكاسة امتحان امبارح
يعنى كتبته بسرعة جدا
والكلام خرج عفوى اوى
معرفش
معرفش
انا كنت بفكر فى ايه
كنت بفكر فى حاجات كتير
بس هو وحش ولا ايه
اشيلوا يا جماعة
:)
وضاح :
ياااااه انت اللى نورت المدونة والله
وشكلنا رجعنا للتعليقات ام سطر ونص
مينفعش الكلام ده يا وضاح خااالص على فكرة
عموما تسلم على تعليقك
بس مينفعش بردوا
:)
_______________________
بجد فرحت بتعلقاتكم اوى اوى يمكن لانى توقعت ان محدتش هيدخل اساسا
:)
ربنا يخليكم بجد
لا يا دكتوره ماتشليش البوست
بس احنا مش فاهمين قصدك بالظبط
بس عموما ربنا يخلى الناس المهمين اللى حبيتيهم ومهمين فى حياتك
وهنيئا لكِ انهم اصبحوا داخل اطار حياتك..ودخلوا مملكة حبك
تحياتى
نورتى مدونتك يانونو
ومين ده اللى مايدخلش ويعلق
انا عن نفسي مااقدرش
لانى بفرح جدا لما اشوف انك نزلتى بوست وبجد بجد اسلوبك بيعجبنى جدااااا
وبتعبرى عن حاجات جواكى باسلوب حلو قوى
ويمكن كمان بيمس شئ جوانا
:)
ع العموم ربنا يفوقك وتخلصي الامتحانات ونلاقيكى معانا على طول
مش تغيبي علينا بكلماتك الجميلة
سلام ياقمر
كل واحد مننا يا سكر بيمر بكنير من حالات الاشتياق الي قولتيها
بس الغريب الي شد انتباهي في البوست ازاي كل دة حصلك في سنة واحدة بس
هههههههههه وازاي انتي لسة عايشة بعد السنة دي
دة نفس السؤال الي سالته لنفسي بعد الامتحانات م خلصت برضه
ههههههه
متقلقيش هيا شدة انطحانات بس
ولما تخلص كل حاجة هترجع طبيعي تاني
ونسبة السكر الي شحت عندك هتزيك وهترجعي سكرة تاني
كلامك جميل اوي وطريقتك اجمل
دمتي بخير
مبروك
ههههههههههههههههههه
نورتى يا احلى حتة سكر .. اعتقد ان اصحابك كمان عمرهم ماهيفكروا يبعدوا عن السكر كله ياقمر
ولكم باك ويالله منتظرين جديدك يا جميل
:)
الحمدلله ع سلامتك...
:)
أسأل الله لك التوفيق..
كلام جميل يعبر عن امور كثير
من هنا وهناك والطير يطير والبحر والماء يأتي بهواء كثير فلا تعجب علي وقت يسير مر كمر السنين ونحن نحسه وقت قصير
بالتوفيق للجميع
السلام عليكم
كل سنه وانتى طيبه
وعن اهل الصعيد اهدى سلاما وتهنئة بالشهر الكريم لكل الدقهلية وكل المسلمين فى العالم
كلماتك معبرة وانى اشعر بنفس الإحساس احيانا كثيرة وأعتقد انها مشاعر جميلة رغم ان البعض يعتقد غير ذلك
الراعى
كل سنة وانت طيبين
أسلوبك عفوي بسيط يخرج من قلب إنسانه مليئة بالحياة والألم بعض الشيء!!
لا أدعي أنني متنبأ أو كاهن لكن هذا ما أحسست بيه لزيارتي الأولي لمدونك الجميلة
ولي تعليق بيسط علي الموضوع
لا تعيشي مع اللحظات الجميلة لأنها ماض والماضي لن يعود مهما إشتقنا إليه عيشي الحاضر وتأملية وتأكيد بأن هناك شيء جميل يستحق أن تعيشي من أجله
تحياتي لكِ ولأسلوبك
مدونة رائعة وكلمات قيمة
مبدعة حقا
متابعين باذن الله
Post a Comment