هو سؤال طرأ على ذهني ..
خلال متابعتى البلوجات وكمان اكتر من منتدى
لاقيت ظاهرة غريبة اوى ..
خير اللهم اجعله خير ..
إن أغلب الناس تجيد التعبير عن اللى جواها وخصوصا اذا كان محزن
او كئيب .. او يمثل بالنسبة ليهم قيمة مفقودة .. زى الوادع والفراق والذكريات ..
أما الجانب الحلو الأمور .. اللى بيبقى فى ضحك وفرح ومرح
غالباً بيكتفوا انهم يعشوه من غير ما يحولوا يتكلموا عنه
ولو اتكلموا عنه بيبقى واحد فى كل 100 مرة !!
يعنى دايماً ما يحاولوا اظهار الجانب المظلم من حياتهم
ممكن تكون بداخله مشاعر اكثر من رائعة
ولكن هو جانب تشكل من لون واحد من ألوان الحياة
مش عارفة ليه الحكاية دى موجودة
موجودة مش على كل الناس .. ولكن على الاغلب
مع ان اللحظات الجميلة فى حياتنا بتبقى هى صانعة اللحظات الآخرى
زى الوداع او الذكريات
ولذلك فهى جديرة بان تروى
19 comments:
بصى يا نهى دايما اللحظات السعيده بنلقى ناس كتير بيشاركونا فيها وبنقولهم عليها وبنحب نقولها كده على طول لكن المشاعر الحزينه يمكن مبنقدرش نعبر عنها فى كلامنا فا مبنلاقيش حاجه نعملها غير اللى احنا نكتبها يمكن كمان علشان مبنحبش نقولها للناس اللى نعرفهم
ثقيلة الأحزان في قلوبنا
وما بين فترة وفترة محتاجين نخفف من الحمل اللي جوانا
عشان هيك بتكون كتاباتنا تعبر عن الحزن اللي جوانا وتحاول تخفف منه
وصدقيني القلب المجروح مهما ابتسم في النهاية بتظهر جروحه وصعب الابتسامة تخفيها
بسم الله
هو انتي ما سمعتيش بالمثل القائل
الصديق وقت الضيق
ولا اية
عادة الانسان بطبيعته يميل الى ان يشاركه الناس في افراحه واتراحه وان كان في احزانه اكثر
تحياتي
البحر
نهى :
حلو اوى كلامك يا نهى
وفعلاً عندك حق فى ناس كتير مش بيحبوا يتكلموا عن احزانهم
بقدر ما بتكون ظاهرة
فى كتبتهم
واعرف ناس كتير كدا
:)
بهاء :
صحيح ..
أثر الجرح والحزن كتير بيظهر
وكتير مش بنقدر نسيطر عليه
وعموماً
فى ناس بدات تغير الجو أهو
وتعمل حاجة بخلاف المعهود
ومتكنش نظرتها سوداوية اوى
:D :D
أحمد :
لاء سمعت بيه :)
وكتير بنعمل كدا
ولكن انا اللى كنت بقوله
ان فى جانب حلو اوى جوانا أحيانا بنخبيه حتى ولو من غير ما نقصد
وحتى لو كان ده بسبب كثرة أحزانا
والجانب ده بيبقى من أجمل جوانب شخصيتنا اللى بنحجبها عن الآخرين
أما فالمشاركة بالاحزان والافراح سواء
هى رائعة وبتخفف كتير
:)
سعيدة بمشاركت حضرتك وزيرتك البلوج
واتمنى متكونش الأخيرة
:)
جزاكم الله خيراً
السلام عليكم ورحمة الله وبركاته
عندك حق فى كل كلمه قولتيها
ياريت كل المدونين يعملوا بيها بس أحب أقولك حاجه دى بيختلف من هدف انشاء المدونه اصلا
وفقك الله
والسلام عليكم ورحمة الله وبركاته
السلام عليكم
انا معاك فى بعض البوست
فضلا عن إختلافى فى بعضه
معاكى
إن ممكن يكون التعبير عن الأحزان أخف على البنى آدم من التعبير عن الحاجات المفرحة
و أختلف فى إنها مش ظاهرة
بمعنى
أنا أتابع مدونات بعبينها نظرا لما تقدمه - حتى لو كانت قضايا مهمة - فى قالب ساخر ممتع
و لى عودة
انا لست سوداويا
لكن ارى بعض الرومانسية في أن أكتب الحزين و المبكي
لا أدري لم
لكن عادي
مؤمنــة :
وعليم السلام ورحمة الله وبركاته
والله كويس لاقيت حد معايا على الخط :D
وفعلاً هدف المدونة من البداية بيبان فى كل فكرة بيتم طرحها
عموماً يارب مدونتانا كلها تبقى هادفة أيا كان المكتوب فيها حزين او سعيد
:)
جمــعاوى :
وعليكم السلام ورحمة الله وبركاته
فى الحقيقة يعنى وجهة نظرك مش واضحة ليا شويتين
:$
بس اللى فهماه ان حضرتك مختلف معايا فى موضوع انها مش ظاهرة
والله انا شوفت الظاهرة دى فى نفسى قبل اى حد :)
ان اجيد التعبير عن جانب واحد من حياتى
ومن ثم رأيتها فى بعض المدونات
ومع ذلك ده مقللش من اهتمامى بلبلوج ابدا .. ولكن
كان مجرد تساؤل منى ليه
دائما بنحاول اظهار جانب من لون واحد
وبث
عبـد الرحمـــن :
ماااشى هو عادى
:)
لان بالطبع اللى جعل رومانسية فيما هو محزن ومبكى كانت
لحظات من جوانب آخرى
لان اللحظات الجملية هى للى بتكون لحظات نعتبرها محزنة
!!
انا اختلف جزئيا معاكى كثير من الناس تستطيع ان تعبر عن نفسها ولكن الاكثر لايستطيع الا اذا كان مفعما بالاحاسيس
يعنى فى حالة الاكتئاب يكون الشخص فى حالة تعيشها نفسه لذلك كما قلتى سيستطيع ان يعبر
بعيدا عن البوست عايزة اقولك انك وحشتيني يا نهى :)
يمكن اما بيفرحوا بيخافوا من الحسد
:/
يمكن
اممممممم
مش عارفة السبب
بس لأن كاهل الانسان أصبح مثقل بالاعباء
لايجد متنفس للتعبير عن ألمه حتى لايحزن الآخرين معه
فيلجأ لأخلص صديق وأوفاهم
الذي لن يشكو أبدا
يلجأ للقلم وللكتابة
اسلام الرفاعى :
حضرتك اختلفت معايا
بس انا اتفقت معاك
صح كلامك
لما الموقف او الحدث بيأثر فينا اوى بنجيد التعبير عنه
:)
أشكرك لمتابعتك
موومووو :
بعيداً عن البوست
وانت كمان وحشتينى
:)
محمد شمس الدين :
:D
ااه ممكن
ليه لاء
وخصوصاً ان الفرح بقى قليل الايام دى
أشكرك لك زيرتك وامنى متكونش الاخيرة
:)
آيـــه فلسطينة الهوى :
معاك انت بالذات أؤكد ذلك :D
بس طبعاً انت عندك صديق اوفى من القلم والكتابه
أظن يعنى -_-
مبسوطة لمتابعتك ليا
:)
هوه فعلا تعابير الحزن ومشاعرها بتبقى قوية اوي
لان الانسان كدة دايما بتأثر بمواقف الحزن والالم وبنسى الفرح ده حتى بينسى يشكر ربنا فيه
ولما تجيله مصيبة يفتكر ربنا اوي
بتهيألي دي طبيعة الانسان فعلا
فلونتى :
:)
فعلاً عندك وحق فى دى اوى
الواحد بيفتكر ربنا أوى لما يبقى فى مشكلة أو ضائقة غير كدا
بيبقى مش ناسى بس متناسى
!!!!
ربنا يهدينا ويعافينا يارب
ويعينا على شكر النعمة
:)
سعيدة بتعليقك يا حلوة
ألاحظ هذا بين معشر الأدباء والكتاب بصورة أكثر
صحيح نحن نجيد التعبير عن الدمعة اكثر مما نجيد التعبير عن البسمة ونتقن وصف العزاء كما لم نتقن وصف الفرح
لا أدري لماذا ..؟؟
لكن يبقى في النهاية التوازن مطلوب بقوة ..
تحياتي للخاطرة الجميلة ..
______
على الهامش
فوجئت أنك صاحبة هذه المدونة
):
ولم أعرف إلا من توقيعك
عموما مدونة جميلة تستحق المتابعة d:
تحياتي أختي
... مزاجات
مزجــات أخى :
عجبنى اوى موضوع التوازن ده
نفسى يكون عندى -_-
وبخصوص الهامش :)
هو حضرتك ليه حاطط اسميل زعلان
عموماً كويس انك عرفت
وربنا يخليك رفعت من روحى المعنوية اهو :D
سعيدة بتعليقك :)
Post a Comment